第一階段得分統計

號碼	姓名	一	二	三	四	五	六	七	八	九	total
3	謝志康	缺	缺	0	1	缺	1	缺	1	1	4
6	鄺君然	2	缺	缺	缺	0	缺	缺	缺	缺	2
7	謝梓庭	缺	3	缺	缺	1	缺	3	缺	2	9
9	鄺紹焜	缺	3	2	2	缺	缺	缺	1	1	9
10	余志恒	守	門	員	-	-	-	-	-	-	-
12	李文傑	3	7	2	3	8	4	1	3	5	36
17	譚智聰	1	0	0	0	1	缺	1	缺	缺	3
18	羅子峯	缺	缺	缺	缺	缺	缺	缺	缺	缺	-
20	何騰駿	2	缺	5	4	9	2	2	8	缺	32
23	王日昌	守	門	員	-	缺	-	-	-	-	-
24	周曉勤	3	2	2	0	0	0	2	0	缺	9
25	葉進升	4	3	缺	7	7	7	缺	5	5	38
46	鄭凱文	6	1	7	5	2	4	3	0	5	33
90	李裕庭	-	-	-	-	-	-	-	-	-	-
14	孔令濤	-	-	-	-	-	-	-	-	1	1
18	蕭家龍	領	隊	-	-	-	-	-	-	-	-
22	林宇輝	-	-	-	-	-	-	-	-	-	-

終於打出勝仗

今日是星期天，教院係乙組第四場比賽!

今場聽阿文講﹕已經call齊晒人，吹晒雞! 因為是護級前哨戰!

噢! 原來教院call齊人都係得9個球員!

打左3場波, 呢場波一開始我地就嬴! 嬴咩? 嬴個勢! 因為我地d球員多過佢地!

最後，教院由頭帶到尾勝出! 第一場勝仗!

十分高興! 而且仲有贊助商贊助球衣!

星級球員介紹

綽號﹕譚sir，又名Joseph。是Ymca女子隊教練兼港女教練。
最佳位置﹕keyman、左副、右副
曾效力隊伍﹕Ymca (丙組3年)、教院(丙組2年)
簡介﹕隊中大師兄，創立球隊之要員。風趣幽默，有禮貌，喜歡在比賽中與對手握手。




綽號﹕阿文，又名Owen。
最佳位置﹕左wing、keyman
曾效力隊伍﹕king's(乙組3年)、南青(乙組1年)、教院(丙組2年)
簡介﹕在教院出任兩年隊長，也是創立球隊要員。他曾擁有剛條的身型，射球技術剛中帶柔。




綽號﹕阿升
最佳位置﹕左wing、右wing
曾效力隊伍﹕king's(乙組3年)、南青(甲組3年)、教院(丙組2年)
簡介﹕暴力快右wing，喜歡爆龍門的頭(每場緊有一次)。

綽號﹕昌，又名阿wic
最佳位置﹕龍門
曾效力隊伍﹕ymca(丙組3年), 教院(丙組2年)
簡介﹕攪笑，喜歡模仿別人的動作





綽號﹕騰駿
最佳位置﹕左副
曾效力隊伍﹕ Akita (甲組)、科達(甲組)、少傑(乙組)、教院(丙組2年)
簡介﹕教院主力射手，外表斯文，但好容易發脾氣。(不過都係球隊打得唔好先發出黎)




綽號﹕羅子
最佳位置﹕keyman、右副、center
曾效力隊伍﹕king's(乙組好多年)、教院(丙組1年)
簡介﹕羅子擁有超強既彈跳力及速度，令對手防守疲於奔命!





綽號﹕阿蕭，又名歐洲射手
最佳位置﹕右副、keyman
曾效力隊伍﹕先鋒 (甲組2年)、教院(丙組2年)
簡介﹕以女友第一、手球第二。容易受傷的球員，往往含著牙膠比賽。





綽號﹕ryan
最佳位置﹕左wing
曾效力隊伍﹕教院(丙組2年)
簡介﹕以一招批手成名，剛柔並重的射手

綽號﹕Patrick
最佳位置﹕中鋒
曾效力隊伍﹕教院(丙組2年)
簡介﹕patrick是一個思考冷靜既中鋒，往往走到空位，等候你的助攻。





綽號﹕勤
最佳位置﹕右wing
曾效力隊伍﹕教院(丙組2年)
簡介﹕阿勤手球資力尚淺，但擁有冷靜判決力，經常係右邊發爛怒射破網





綽號﹕國民
最佳位置﹕中鋒
曾效力隊伍﹕何中(甲組好多年)、教院(丙組1年)
簡介﹕隊中手球年資可說最高，於甲聯打滾多年，經歷無數高水平比賽。喜歡引對手犯則，可說是內線霸者，有波放到佢手上，轉手就會入網。




綽號﹕傑特，又名kidd
最佳位置﹕右副
曾效力隊伍﹕教院(丙組2年)
簡介﹕隊中主打靚仔球員，往往比賽後都有女fans搵佢做訪問。上身過人動作一流，防守球員最驚呢類球員。




綽號﹕阿恆
最佳位置﹕龍門
曾效力隊伍﹕教院(丙組2年)
簡介﹕阿恆又稱戰術王，帶領順天殺上乙組，連摩連奴嬴巴塞個場都有搵阿恆教路，遺傳伍sir帶隊智慧既阿恆絕對唔野少。




綽號﹕肥庭，又名短暫丙組射手
最佳位置﹕左副、右副、中鋒
曾效力隊伍﹕教院(丙組2年)
簡介﹕身型高挑既肥庭，擁有突個人破能力，曾是丙組一星期的神射手。






綽號﹕阿康，又名康華
最佳位置﹕keyman、左wing
曾效力隊伍﹕教院(丙組2年)
簡介﹕速度高加經常做出magic般夢幻動作的傳球，令場外觀眾嘆為觀止，所以得到magic的稱號。



綽號﹕阿輝
最佳位置﹕右wing
曾效力隊伍﹕教院(丙組2年)
簡介﹕隊中唯一左手球員，擁有高挑身形，加上出任右wing位置，所以令到對手難以防範。




綽號﹕阿林
最佳位置﹕左wing、keyman
曾效力隊伍﹕教院(丙組2年)
簡介﹕速度快，善於中路突破及變速，還喜歡左路玩自爆 - 爆龍門

完美結局 - 升班

今年度教院手球隊經歷左嬴波、輸波、和波......終於等到這一日。組織教院手球隊剛好兩年，終於可以升班! 三隊都同分怎辦? 有以下解釋﹕ (如兩隊於兩循環對賽時皆賽和或各有一場勝負，則計算相關球隊之得失球差，多者為先；如得失球差相同，則計算相關球隊之得球，同樣是多者排名為先。出處﹕手總)

今日係丙組最後一場比賽!一開波唔係太順，被YMCA條高佬左手射入幾球! 而且個個都有d挾個高大龍門!有驚無險，上半場反勝一分。12比11完上半場!

下半場，教院,開始掌握到射門的感覺，加上對隊龍門紀律問題被換出，教院一度領先5分(21:16)，中段互有入波，最後YMCA追淨一兩分。YMCA打全場緊迫，好才最後有驚無險嬴1分進級!

多謝以下隊友製造高潮﹕
一、嬴緊一分淨15秒，國民開波把球掉向前給全隊跑得最快既肥庭 ^_^
二、阿WIC,阿恆屢救7公尺，+阿wic既咆哮
三、阿輝-6既防守，偷波之後入波(反高潮)
四、羅子自稱望到隊友，360轉身後交波
五、阿林玩自爆，左wing位怒射YMCA剛門、之後又笠龍門 (攪到場邊FAN都大叫佢做美斯)
六、右wing爆頭既阿升，終於唔射角位，射龍門腰位+叫囂
七、戰術王阿恆，改打雙center，令對隊無所適從(人稱摩連奴)
八、靚仔既阿傑特被ymca既妹妹仔追兩條街訪問，最後早走，可能去左玩什麼什麼2P,3P....
九、係場邊默默支持教院既歐洲射手阿蕭，雖然受傷，都一邊含著牙交為我們打氣
十、比左錢YMCA既教師joseph，再次證明70後係得既，傳出精彩既助攻及賽前分析

第二階段 ---vs 荃青

今場比賽，可謂「柱」男之戰，
中柱率應該係歷場之冠。

其實，今場大家的表現都好積極進取，無論走位配合、進攻和防守意識，
都係多左，只係「知行」難而即時合一，我地繼續努力呀~!

論今場進攻，快攻方面，我地真係要學下策劃「二段快攻」；
論陣地，可能係調左人腳打不同位置的關係，我總覺得無以前咁呆板，
當然，我評價唔到係好定壞，只係覺得大家轉左少少位後，好似令對方有段時間唔適應，
結果造成我們得利；
論分數，我發現今場同center的配合好像少左，希望下場大家可以再配合下，
但老實說句，center的檔位真的「一流」~!

講防守，都係老問題：副位同center的防守配合。
今場大家都叫意識多左，會早出聲，
但我地的size真的有限，荃青的老手都大大件，所以，有段時間被人lur 幾lur，就係咁食牌，
到後段大家防守進取左，總算止左食牌的情況，呼~~

總結一下，雖然打得唔係最理想，但總算過關，
值得一讚是荃青的老大哥，打地樁我地都cher唔瓜佢地，的確勁~!

19/3 練習@IEd

今晚有一個非常高質素的訓練，
一個鐘內...練side pass、上手、交叉、半場快攻、七公呎、三打三，
非常充實，要特別鳴謝霸王教練 Joeseph，
令大家狀態得到提升~!

2010年的第一次練習，開局比賽雖然顯得生硬，
但經過一輪商討，「教院」終於識得「郁」喇~!
Keep Going~ 大家繼續上力~!

練完波，食個豆大，都講左唔准講笑，下次唔食架~!

技術分析課(一)

從圖中可見，46號個傻仔好明顯應該即時分波俾左副，咁左副就...wow...想點都得，就算唔得，仲有個無敵國民做backup。

結論係，大家日後打左wing會draw 大位時，多點留意敵方右副，有的話，建議盡能力分波出去；打右wing的朋友都嘗試下，只係方向調轉而已。

第二階段 ---vs 順利

由於阿升已經升上神枱的關係，而家開始由我做版主~~請多多支持~~

今場對順利，佢地真係打得幾順，我地就要再努力。
賽後檢討今日都檢過，講練習，亦正如騰駿話齋，講練波講到悶喇。

很老實，有幾件事情我都想跟大家分享。
第一，無錯，贏波升班係我地的目標，而係比賽裡面，當然是為了爭勝，
但是，我最初組織大家一起打波只是一個很單純的原因，「我想打手球」...

我好喜歡同大家一齊打手球，尤其是一班已經畢業而喜歡打手球的隊友，
這種能夠落場享受手球的樂趣，其實對於我們畢業生來說已經很難得，
甚至比贏波來得珍貴... (當然贏波開心啲啦，聖人咩 :P)

第二，其實大家都明白練習的重要，我亦好體諒大家，始終我地已經出左生，
有工作，已不再是昔日的「full time」球員，要抽時間出來一定比以前花上
更多精神和時間，所以，我更要係呢度帶出一個信息，不能練波不是錯，但
若果想幫「教院」打得更好，盡自己的能力啦 :)。

故此，我都有個建議，無論幾多人都好，能夠練習都嘗試出席，
世界係公平的，有「付出」一定有「回報」，最重要的是，
「男人唔郁好易無...」

最後，今後的比賽無論輸贏，都希望大家可以好好享受，
一方面，繼續以升班為目標，另一方面，就算touch wood無得升，
都要場場打好波，大家落得場就盡情盡力表現自己~!

講得太多了，就此收筆，唔係會zzz...

最最最後，公佈今場的mvp，就係...登登登登~!
一班在場邊攝影的美女們(第一次見到咁多人影相，感覺很專業 :)，總之，多謝棒場~!!!

仲有，我記得我入左3球，點解計得我2球架~?!