教院 vs 何中

星期日, 教院對有手球王國之稱既何中，呢班中學生好有技術，尤其是2號仔，他何能又會成為另一個仕仁呢!!

開波初步都係一,兩分上落，但他們錯誤多，加上射失，經常被我們打快攻，所以慢慢被我們拋離!上半場以16:9領先!

今場雖然得分最高分係騰駿，但mvp唔係佢，我認為mvp應該給國民和阿康! 呢個組合有好多火花! 尤其是阿康既no look pass, 後手傳球，簡直令彩虹球場既球迷如痴如醉! 手球場上新魔術手出現啦!(magic)! 加上國民靈活走位、入攝，簡直完美無瘕!!! 佢地既組合入左好多分!!!

最後，教院嬴33:21! p.s: -->阿濤，要練習啦!!!! 快攻射失、7公尺........!

教院 vs 屯門手球隊

教院打左3場，今場對手比較識打手球!因為對手是一班港青(未來手球界的精英)，還有他們

兩個出色的教練(消防傑, 威sir)，與上兩場比較, 簡直蚊同牛比!

屯門手球隊速度都很快，開段試過1:1，之後因為輸經驗及力量，比數就越拉越遠!

今場mvp唔駛問阿tony都知.....就係虅駿，起親手都入，而且好多球助攻，用全能形容就貼切!

不過，最令青衣公園球迷流下深刻印象就係﹕9公尺，虅駿假射，點知個波係羅子手上勁射入網!

領航 vs 教院

今場仍然保持到多人既情況比賽(14人)!!! so great!

跑車就會失控，原來手球都會失控，仲會快過人對腳! 呢個情況係何文田既手球場就可以見到!

教院一如以住打快攻，狂一輪以lead開左比數! 加上"放狗既羅子"喪偷波，簡直令人瘋狂!!

半場已經領先20:6!

下半場繼續以快攻為主，連以中鋒既國民都打埋一份! 大家都進入crazy狀態!

係呢個時候，大師兄開著左turbo﹐瘋狂入波，連個手球及阿ting都驚左佢，打緊快攻都要回傳! 最後帶領教院以35:10完場!

大師兄joseph更成為今場mvp